Hmoob Dej Dawb

Tue 15 Apr 2008, 6:43 pm by Admin

TSHAJ TAWM HAIS TXOG COV KWV TIJ HMOOB NYOB DEJ DAWB

October 3, 2006

Hickory, North Carolina- Ntawm no yog lus tshaj tawm txog Hmooob Dej Dawb lub situation tamsim no. Thaum July 13, 2006, nom tswv Thaib tuaj xam phaj cov Hmoob Dej Dawb, muab lawv cais ua ob pab, xws li yog cov Hmoob Thaib thiab Hmoob Nplog. Thaum cais tag, muaj ze ntawm 1500 tus Hmong nyob sab Thaib teb, thiab muaj ze ntawm 4500 tus yog cov khiav hauv nplog teb los.

Thaum nom tswv Thaib nug cov Hmoob Thaib yog vim li cas lawv thiaj khiav los nyob rau hauv Dej Dawb. Lawb teb hais tias vim yog lawv tsis muaj npav Thaib, thiab lawv niam thiab txiv, kwv tij neej tsa mus America tag lawm, lawv yuav raws qab.

Nom tswv Thaib hais rau lawv hais tias, tsis muaj kev mus America teb lawm. Yog leej twg muaj npav Thaib, yuav tsum rov qab mus tsev, cov tsis tau muaj npav Thaib ces cia nom tswv Thaib mam saib xyuas rau.

Hais txog ntawm cov Hmoob nplog, nom tswv Thaib nug hais tias yog vim li cas lawv los rau hauv Dej Dawb. Cov thawj coj teb hais tias tag nrho 4500 tus Hmoob khiav hauv nplog tuaj yog tib yam teebmeem tuaj lib phais Kasmeaung nkaus xwb. Vim lawv yog cov qub tub rog CIA raug nom tswv Nplog liab tsim txom nyob tsis tau, thiaj khiav tuaj lib phais kasmeaung rau lub tebchaws Thaib. Lawv tsis kam rov qab mus rau nplog teb lawm.

Nom tswv Thaib hais rau lawv hais tias, yog lawv tsis kam rov mus nplog teb, Thaib los tsis tso cai rau lawv nyob ua neeg tawg rog rau Thaib teb, ces kom lawv nrhiav kev saib leejtwg yuav coj lawv mus nyob lwm tebchaws. Sawv daws yeej paub hais tias cov tuaj hauv nplog tuaj. Nyias muaj nyias teebmeem, zoo tsis sib xws. Yog li cov pejxeem Hmoob raug tsim txom nyob hav zoov hav tsuag, niam txiv kwvtij neej tsa raug tua tuag tag seem khiav tuaj txog Thaib teb thiaj tsis txaus siab hais tias lawv qhov teebmeem tsis yog ib yam li sawv daws hais. Ces lawv thiaj ua ntawv mus thov nom tswv Thaib kom muab lawv cais tawm ntawm cov political Hmoob. Cov thawj coj Hmoob DD yeej tsis txaus siab, tabsi nws yog kev yog cai, nyias yuav tsum tuav nyias txoj cai raws nyias lub txim. Yog li ntawd. Nom tswv Thaib thiaj pom zoo muab cov Hmoob Hav Zoov Cais tawm ntawm cov political Hmoob nplog.

Thaum sawv daws pom hais tias cov Hmoob hav zoov cais tau tawm ntawm cov political Hmoob nplog lawm, cov political Hmoob nplog thiaj sib cais ua ob pab ntxiv. Ib pab yog cov qub tub rog CIA, ib pab yog cov political Hmoob havzoov.

Thaum nom tswv Thaib tuaj xyuas cov Hmoob DD no tag, ua rau peb cov kwvtij Hmoob nyob txhua qhov ntseeg hais tias yuav muaj kev mus txawv tebchaws, ces neeg los coob zuj zus ntxiv.

Comments: 12